من وهي ٩سنين بتجمع الخرده

البوليس اخد سليم ونجوى واخد التسجيلات ومشيو وهو قعد على الارض باڼهيار وجورى قالت….

اهدى الحمد لله انك ما طلعتش انت
صالح… الحمد لله على كل حال بس يا ريت كنت انا معقول وصلت بيهم للدرجه دي في حد ممكن يعمل كده في امه عشان فلوس بس وديني ما هسكت مش هرتاح الا لما اسجنهم واجيب حق ماما من عينيهم على اللي عملوه ده انا مش هرتاح غير لما اندمهم
جورى… اعمل اللي يريحك كله بس اهدا عشان تعرف تفكر وتقدر تاخد موقف مش عايزه اسيبك دلوقتي والله بس ما اقدرش اتاخر اكتر من كده مرات ابويا تخرب عليا الدنيا
صالح… روحي انتى انا كويس
جورى مشيت وهو قوم فعلا محاميين

واتحكم عليهم بالاعډام وكانت جورى بترحلو كل فتره تتطمن عليه… وبعد تلت سنين عدوا عليهم كانت قاعده وسط الخرده في بيتهم وبتقول…..
خلاص يا مرات ابويا طلعتى عيني عرفت هعمل زي كل مره اعزل البلاستيك لوحده والكنزه لوحده والقزاز لوحده هفرزلك الخردة خلاص بقى بطلي زن
سلوى… والله وطلعلك صوت وبقيتي تقولي بطلي زن.. اشتغلى وانتى ساكته يا بت اعملي زي ما انا قلت تفردي كل حاجه لوحدها
جورى… ما انا بعمل كده وانت مش شايفه اني بعمل كده ومدفونه وسطها..

بس نزل صالح من عربيته الكبيره وكان حلق دقنه وقصر شعرو ولابس بدله سوداء فخمه قرب من البيت وقال
ممكن ادخل…
جورى… اش اش الله الله على ده الوش.. ايه اللي عملتو في نفسك ده انا لولا ما اتكلمت ما كنتش عرفتك
صالح….. رجعت لحياتى الاولى وده بفضل ربنا ثم فضلك
جورى… ولا فضل ولا حاجه يا عم ربنا يزيدك انت تستاهل كل خير
سلوى.. مين ده يا بت انتى تعرفيه منين هو انتى تعرفى ناس نظيفه كده
جورى.. ما تروحي تعمليلنا كوبايه عصير وتنقطيني بسكاتك ما بتفضحيش قدام الراجل..

سلوى مشيت وهو قال…
بيتك ده
جورى.. لا مستنيه اشاره المروى تبقى خضره.. قاعده فيه يا صالح وبعزل الخرده من بعضها هيكون ايه يعنى بيتي
صالح….

يا ساتر ما بتفوتيش كلمه خلاص اصلا انا جاى ف حاجه كده مش عارف يعني تنفع او لا
جورى… قولي عليها واقولك تنفع ولا لا ما انا ما بحلك كل مشاكلك…
صالح… انا يعنى متضايق قوي لوحدي في البيت يعني البيت فاضي عليا قوي مفيش حد معايا الحياة ممله ما بتمشيش
جورى… ايوه عندك حق ما فيش حاجه وحشه قد العزله والوحده بتخنق كده بعيد عنك
صالح… بعيد عني ايه انا بقولك عايشها حرفيا انا غاطس في الوحده ومحتاج حد يطلعني
جورى… طيب تمام احنا ممكن نملا الفراغ ده بواحده نحولها من وحده لواحده يعني تتجوز

صالح… بالظبط اهو ده انا اللي كنت جاي اكلمك فيه ان انا اتجوز
جورى… طب ما دام انت عايز تتجوز جايلى ليه عايزنى انقيلك عروسه ولا اى ما ينفعش عشان انا كل اللي اعرفهم سميحه اوبح وساميه ملحق بص ارقى واحده اعرفها كانت اسمها عزيزه شباشب كانت زمان وهي صغيره تجيلها الحاله فبتقوم تجري ورا العيال في الشارع ولا عربيات الرشح وتحذف بالشباشب ولما يغيظوها بقى يقعدوا يقولولها شبشب زوزو بسبعه ونص لو تلزمك قاعده ما اتجوزتش لسه
صالح… ولا هتتجوز والله ولا هتتجوز في واحد عاقل هيتجوز واحده شبشب زوبه ب سبعه ونص
جورى… ايه طيب يعني

عايز ايه ما انا ما اعرفش غير دول دول المحيطين بيا واحده عايشه وسط الخرده هتعرف مين يعنى
صالح.. ومين قالك ان انا عايز معرفه اللي قاعده في الخرده انا عايز اللي قاعده في الخرده نفسها
جورى… نهارك اسود انت عايز تتجوز مرات ابويا لا انا بكرهها اه ومطلعا عيني اه بس مرات ابويا ما ينفعش تتجوزها وبعدين دى على كتفها عيل لا
صالح… مين جاب سيره مرات ابوكى
جورى… اى دا امال مين حيرتنى
صالح… انتى مثلا
جورى..

ايه انا
صالح… اه انتى اتفاجئتي ما جاش في دماغك ما انت اللي كنت قاعده في الخرده
جورى… بص هو من ناحيه انا كنت قاعده في الخرده فاحنا كلنا في البيت قاعدين فى الخردة..

من ناحية ان انا اللي عايز تتجوزها ازاي يعني مش فاهمه ليه انا
صالح… عشان انتى اللي طلعتيني من اللي انا كنت فيه وانتى اللي وصلتيني لحد هنا وانت اللي رجعتيني ثاني للعيشه دي رجعتيني للحياه انا لولا انى قابلتك كان زماني قاعد زي ما انا في العشه… عفريت
جورى… ايوه كان شكلك مسخره وانت عفريت شكلك كان مقرف قوى
صالح… تشكري بس بقى ربنا بعتك ليا وانت طلعتيني من اللي انا كنت فيه فانا حابب ان انا اكمل معاكى بس هو المشكله فرق السن انا 40 سنه وانت 18 سنه انا بالنسبالي ما فيش مشكله بس كنت

جاي اسالك انتى بس عشان فرق السن
جورى… لا بص هو انت بالبدله دي انا مديكش اكتر من 25 ما بعدين ما تتجوزوش ولاد ال 25 عشان لسه عيال عشان فيهم ولدنه وعاملين كبار… خدو الاربعينين عشان فيهم هيبه ووقار…. هو انا كده مدلوقه
صالح.. لا خالص… بجد يعني انت موافقه
جورى… وانا طول انا قاعده مع الخرده ما اقعدش معاك
صالح.. الله يكرم اصلك
جورى.. الله يخليك..
خلصت حكايتنا بس حكاياتنا لسه مخلصتش مكملين معاكم باذن الله دمتم فى امان الله مع من تحبون باذن الله