تالت يوم بعد ډفـ,ـن أبويا ، أخويا جاب سمسار عشان يبيع البيت من ورا ضهري وكان مستعجل يخلص كل حاجة قبل ما حد من أهل البلد يعرف لكن أول ما الراجل وصل ووقف قدام الباب ، اتجمد مكانه وهو پيصرخ يا ساتر يا رب
بصيت قدام رجلي. لقيت ثعبان ضخم ممدد على عتبة البيت ، لا بيتحرك ولا بيهاجم حد. أخويا اتعصب ومسك عصاية وهو بيقول ده يومه قبل ما يكون يومي..
لكنه مكنش يعرف إن بعد ما الثعبان هيتحرك بدقايق هنكتشف حاجة خلت أخويا يقع على ركبته قدام البلد كلها ويتمنى لو عمره ما فكر يبيع البيت ده
أنا اسمي هناء عندي اتنين وعشرين سنة ومن يوم ما فتحت عيني على الدنيا وأنا مليش غير أبويا.
أمي مـ,ـاټت وأنا لسه صغيرة ومن ساعتها وهو عاش عمره كله يحاول يعوضني عن غيابها لا عمره خلاني أحس إني يتيمة ولا يوم دخل عليّ وأنا زعلانة إلا وخرجني من همي بكلمة طيبة أو ضحكة من قلبه وكان دايمًا يقول لي وهو بيقفل باب البيت كل ليلة البيت ده هو آخر ضهر ليكي في الدنيا أوعي تفرطي فيه مهما حصل.
بيتنا مكنش كبير ولا كان قصر زي بيوت الأغنيا ، كان بيت فلاحي بسيط في آخر الشارع ، مبني بالطوب الأحمر ، قدامه شجرة جميز كبيرة زرعها أبويا بإيده يوم اتجوز أمي وكل ركن فيه كان شايل ذكرى من عمره ، لدرجة إن ريحته كانت بتطمني أكتر من حضڼ أي حد.
لكن أخويا الكبير حسام اللي المفروض يكون سندي بعد ۏفـ,ـاة أبويا كان شايف البيت بعين تانية خالص عين مبتشوفش الذكريات ولا تعب السنين ولا وصية أب راحل كانت بتشوف كام متر أرض وكام جنيه ممكن يدخلوا جيبه.
العزاء بالكاد خلص ولسه الناس بتقرأ الفاتحة على روح أبويا ، لقيته داخل عليّ الصبح ، قعد قدامي وقال وهو بيقلب مفتاح البيت بين صوابعه وكأنه بقى صاحبه الوحيد اسمعي يا هناء البيت ده هيتباع.
افتكرت في الأول إنه بيهزر أو إن الحزن لخبطه فضحكت وأنا بقول له يتباع إيه؟! ده بيت أبويا.
رد عليا بمنتهى البرود ، كأن اللي مـ,ـاټ واحد غريب عنه وأبوكي الله يرحمه مـ,ـاټ والحي أولى من المېـ,ـت. أنا خاطب بقالي سنتين وكل يوم الأسعار بتزيد والبيت ده تمنه يجيبلي شقة محترمة أتجوز فيها بدل الپهدلة.
الكلام نزل على قلبي كأنه حجر وقلت له وأنا حاسة إن نفسي بيتقطع وأنا هروح فين؟
قالي وهو بيهز كتفه بمنتهى اللامبالاة تبقي تيجي تعيشي معايا أنا ومراتي أو نشوف لك أي حل بعدين.
في اللحظة دي حسيت إن أبويا لسه مدفون من يومين وأخويا بدأ يقسم تركته وهو لسه ريحة التراب على هدومنا.
رفضت وقلت له بمنتهى الحسم البيت ده مش هيتباع.
من يومها وهو بقى كل يوم يدخل يزن على دماغي ، مرة بالترغيب ومرة بالټهديد ومرة يقولي إني بنت ومالييش لازمة بيت لوحدي وإن مصيري أتجوز وأمشي ومرة يقولي إن الناس كلها هتضحك عليه لو فضل قاعد في الإيجار والبيت مقفول.
لكن مهما قال كنت برفض. لحد ما صحيت في صباح اليوم التالت ولقيته داخل البيت ومعاه سمسار ومن غير حتى ما يبص في وشي قال للراجل
اتفضل شوف البيت وإن شاء الله نخلص البيع النهارده.
كنت لسه هتكلم وأزعق وأطرده بره لكن السمسار صړخ أول ما قرب من الباب وقال بصوت متقطع يا ساتر يارب
رفعت عيني بسرعة شوفت ثعبانًا ضخمًا ممدد على عتبة البيت ، رافع راسه في هدوء غريب ، ساكن في مكانه
وفي أقل من دقيقة كان أهل الشارع كلهم واقفين قدام بيتنا واحد يقرأ آية الكرسي وواحد يطلب من التاني يجيب عصاية والتالت يزعق محدش يقرب.
أما أخويا فكان واقف والڠضب مولع في عينيه ، لأن السمسار رفض يدخل خطوة واحدة والبيع كله بقى مهدد يضيع من بين إيده.
فجأة خطڤ عصاية طويلة من جنب السور وقال وهو بيجز على سنانه مش حتت تعبان هو اللي هيوقف حالي؟! وبعدها أخويا رفع العصاية وضړب الأرض قدام الباب عشان يطرد الثعبان
والثعبان زحف بعيد فعلًا، لكن أول ضړبة نزلت على العتبة طلع صوت غريب مش صوت أسمنت ولا صوت طوب كان صوت معدن مستخبي تحت الأرض. الصوت ده خلى أخويا يجمد مكانه والعصاية تقع من إيده من غير ما يحس والسمسار بص له باستغراب وهو بيقول استنى في حاجة تحت العتبة دي.
أما أنا، فحسيت إن قلبي هيطلع من صدري لأن الصوت ده رجعني للحظة عمري ما نسيتها آخر ليلة قعدت فيها جنب أبويا على السرير قبل ما يغمض عينه للأبد. وقتها كان تعبان أوي وصوته خارج بالعافية، لكنه شد على إيدي وبصلي بنظرة عمري ما شوفتها في عينه قبل كده وقال بهدوء يا هناء أوعي تسترخصي أي حاجة أسيبها بعد ما أمـ,ـوت، حتى لو الناس كلها قالت مالهاش أي قيمة وبعدها سكت وبعد ساعات قليلة، كان بيسلم الروح وهو بيبص في وشي.
فضلت أبص للعتبة وأنا جسمي كله بيرتعش وحسيت لأول مرة إن الجملة اللي قالها أبويا قبل ما ېمـ,ـوت يمكن ماكنتش
مجرد نصيحة يمكن كان يقصد حاجة أنا لسه مفهمتهاش.
أما أخويا فكان كل اللي شاغل باله إن البيع ميبوظش. انحنى بسرعة وشد العصاية من على الأرض وهو بيقول بعصبية
إيه يعني؟ يمكن ماسورة قديمة ولا حتة حديد مدفونة وسعوا كده.
لكن السمسار رفع إيده يمنعه ونزل على ركبته قدام العتبة وخبط بإيده على المكان اللي طلع منه الصوت مرة واتنين وتلاتة وبعدها رفع راسه وقال وهو بيبص لأخويا
لا ده فيه فراغ تحتها والصوت ده مش بيطلع غير لو في صندوق، أو حاجة متخبية.
في أقل من دقيقة، كان نص أهل الشارع واقفين يتفرجوا.
واحد يقول اكسر وشوف. والتاني يقول يمكن مواسير قديمة. والتالت يقسم إن البيت ده عمره ما كان فيه حاجة غير اللي الناس شايفينها.
أما أخويا، فكانت عينه بتلمع بطريقة أنا أول مرة أشوفها. واضح إنه افتكر إن تحت البيت كنز، أو دهب، أو فلوس أبويا كان مخبيها طول السنين. خطڤ شاكوش من واحد من العمال ونزل يكسر حوالين العتبة بكل لهفة وكل ضړبة كانت بتخلي قلبي يدق أسرع من اللي قبلها.
معدتش غير دقايق وبدأت طبقة الأسمنت تتكسر وظهر طرف صندوق حديد صغير، مغطى بالتراب والصدأ، كأنه نايم تحت البيت من عشرات السنين.
في اللحظة دي، شهقة واحدة خرجت من كل اللي واقفين.
أما أخويا فابتسم ابتسامة عريضة وقال وهو بيمسح العرق من على جبينه
قلت لكم أكيد أبويا كان مخبي حاجة.
انحنى ومد إيده وسحب الصندوق بصعوبة وبعد ما حطه قدام رجليه، حاول يفتح القفل، لكنه كان متآكل من الصدأ، فضـ,ـربه بالشاكوش لحد ما اتكسر.
فتح الغطا وفجأة اختفت الابتسامة من على وشه تمامًا.
فضل يقلب اللي جوه الصندوق بإيده بعصبية، كأنه مش مصدق إن ده كل اللي مستخبي تحت عتبة البيت طول السنين دي.
صور قديمة بالأبيض والأسود، ساعة يد جلدها متآكل، مسبحة أبويا اللي كانت مبتفارقش إيده، منديل مطرز باسم أمي وخطابين مربوطين بشريط قماش قديم وتحتهم ظرف أصفر أكل الزمن أطرافه.
فتحه بسرعة وسحب منه ورقة واحدة.
وقف يقرأها ثواني ثم اڼفجر يضحك ضحكة عالية، لدرجة إن كل اللي واقفين بصوا له باستغراب.
رفع الورقة في الهوا وهو بيقول بسخرية أهو ده الكنز اللي أبويا كان مخبيه! إيصال بخمسة آلاف جنيه بتاريخ أربعة عشر يوليو سنة ألف وتسعمية وسبعين!
ثم لوى الورقة بين صوابعه وهو بيهز راسه باستخفاف.
الله يرحمك يا حاج خضيتنا على الفاضي.
مد إيده ورمى الورقة جوه الصندوق تاني وقفل الغطا بإيده وهو بيقول لي قدام الناس كلها ومن غير حتى ما يبص في وشي
اتفضلي الصندوق ده بكل اللي فيه حلال عليكي الصور والذكريات والورق القديم ده كله بتاعك أنا ماليش فيه. أنا اللي يهمني البيت وبس.
مكنتش قادرة أرد مديت إيدي وخدت الصندوق وضميته لحضني كأني بضم أبويا للمرة الأخيرة.
مكنتش شايفة ساعة قديمة ولا شوية صور باهتة كنت شايفة عمر كامل عاشه الراجل اللي رباني وكل حاجة لمستها إيده.
أما أخويا، فلف ناحية السمسار وهو بينفض التراب من على هدومه وقال بابتسامة كلها طمع
يلا بينا ضيعنا وقت كفاية. ندخل نكمل البيع.
السمسار هز راسه ومشى وراه ناحية باب البيت.
وفي اللحظة اللي كان فيها هيعدي العتبة اتسمع صوت فرامل عربيات واقفة قدام البيت.
مش عربية ولا اتنين كان موكب كامل.
أربع عربيات سوداء فخمة دخلوا الشارع واحدة ورا التانية، لحد ما وقفوا قدام بيتنا بالظبط.
الشارع كله سكت حتى العيال اللي كانت بتجري وقفت مكانها.
أبواب العربيات اتفتحت في وقت واحد تقريبًا.
نزل منها رجال لابسين بدل رسمية وبعدهم راجل كبير في السن، شعره كله أبيض، لكنه كان ماشي بخطوات ثابتة ومعاه محامٍ شايل حقيبة جلد.
بص حوالين البيت كأنه بيدور على حاجة غايبة عنه من سنين طويلة.
وبعدين سأل بصوت هادئ لو سمحتم ده بيت المرحوم الحاج محمود عبدالعال؟
قلبي انقبض قلت وأنا مترددة أيوه بس حضرتك مين؟
بصلي بحزن وقال إنا لله وإنا إليه راجعون بلغنا خبر ۏفاته، لكن للأسف وصلنا متأخر.
أخويا اتقدم ناحيته بسرعة وقال وهو بيحاول يفهم
حضرتك تعرف أبويا؟
الراجل هز راسه وقال
أنا معرفتهوش شخصيًا لكن أبويا فضل يذكر اسمه طول عمره.
سكت لحظة وبعدين كمل
إحنا بندور على البيت ده من سنين.
الناس بدأت تبص لبعضها.
والسمسار نزل من على عتبة الباب.
أما أخويا، فابتسم ابتسامة صغيرة واضح إنه افتكر إنهم زباين جداد، أو ناس جاية تعرض عليه سعر أعلى.
قال بثقة
خير يا أفندم؟
لكن الرجل الكبير فضل يبص في وشوشنا واحدًا واحدًا وكأنه بيدور على حد يعرفه، قبل ما ياخد نفسًا طويلًا ويقول بهدوء
اسمحوا لي أسألكم سؤال يمكن يكون غريب هو المرحوم الحاج محمود ساب بعد ۏفـ,ـاته أي ورقة قديمة وصل دين مكتوب عليه تاريخ أربعة عشر يوليو سنة ألف وتسعمية وسبعين؟
أول ما سمعت التاريخ، حسيت كأن حد نده عليّا من بعيد.
بصيت للصندوق اللي كنت لسه ضاماه في حضڼي وافتكرت الورقة اللي أخويا كان لسه من دقيقة بيضحك عليها ويقول إنها مالهاش أي قيمة.
فتحت الصندوق بسرعة وبدأت أقلب وسط الصور والخطابات القديمة، لحد ما لقيت الظرف الأصفر.
سحبته بإيدي المرتعشة وطلعت منه وصل الدين ومديته للرجل.
قبل ما ياخده، المحامي اللي كان واقف جنبه مد إيده بسرعة وكأنه كان خاېف الورقة تضيع من بين إيده.
أول ما وقعت عينه على التاريخ اتسعت عيناه وبص للرجل
الكبير وهو بيقول بصوت مخڼوق
هو هو نفس التاريخ ونفس الاسم ونفس التوقيع.
أما الرجل الكبير، فمسك الورقة بإيدين بترتعش وفضل يبص لها ثواني طويلة، قبل ما يغمض عينيه ويقول وكأن حملًا عمره عشرات السنين نزل من فوق كتفه
الحمد لله أخيرًا لقينا وصل الدين.
أما أخويا فكان لسه واقف يبتسم باستخفاف وهو مش فاهم إن الورقة اللي قال عنها من شوية خديها دي مالهاش أي لازمة. هي نفسها الورقة اللي هتغير حياتنا كلها بعد لحظات.
بص للمحامي وقال وهو بيضحك
يعني إيه بقى؟ الورقة دي فيها كنز ولا إيه؟
أصل لو عايزين الخمسة آلاف جنيه، أهو وصل الدين قدامكم وأنا مستعد أدهالكم حالًا!
الراجل الكبير ابتسم ابتسامة هادئة وقال
إحنا مش جايين ناخد خمسة آلاف جنيه إحنا جايين نرد دين عمره خمسة وخمسين سنة.
سكت الشارع كله.
حتى الهوا كأنه وقف.