لما حماتي اقترحت قدام البيت كله إن جوزي يتجوز سلفتي الأرملة علشان يحافظ عليها وعلى ابن أخوه وسلفتي نزلت عينيها في الأرض وعملت نفسها مكسوفة ومكسورة ، الكل كان مستني أشدها من شعرها أو أعمل خناقة تسمع آخر الشارع لكن أنا فضلت قاعدة مكاني وباكل عادي جدًا وكأني مش سامعة حاجة ، لأن قبلها بساعتين بالظبط كنت عرفت سر لو خرج للنور هيقلب حياتها كلها جحيم وهيهدم المسرحية اللي بتمثلها من شهور قدام حماتي ولما جه الوقت المناسب وطلعت الحاجة اللي كانت مخبياها وشها فقد لونه في ثانية واحدة وبقت تبص حواليها كأن الأرض اتفتحت تحت رجليها ومش عارفة تهرب فين.
من بعد وفاة سلفي ماهر الله يرحمه كانت داليا مراته هي نجمة البيت بلا منازع الست المكلومة اللي فقدت جوزها في عز شبابها واللي كانت كل ما حد يكلمها عن الرجوع لأهلها تعيط وتقول إن ابنها لازم يفضل وسط أهل أبوه علشان يكبر وهو حاسس إن أبوه لسه موجود حواليه والكلام ده كان بيدخل قلب حماتي مباشرة لدرجة إنها كانت كل شوية تقول للناس إن ربنا عوضها في مرات ابنها وإن الزمن مبقاش فيه ستات بالأصل والوفا ده ، بينما أنا اللي بقالي سبع سنين في البيت بخدم وأطبخ وأشيل وأحط وأجري ورا الكبير